Հայաստանի երկու քաղաքացիների դիակներ են հայտնաբերվել «նոր» Մոսկվայում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի երկու սպանված քաղաքացիների են գտել «նոր» Մոսկվայում: Այդ մասին, ինչպես տեղեկացնում Է «Արմենպրես»-ը, հոկտեմբերի 23-ին «Ինտերֆաքս»-ին հայտնել Է իրավապահ մամրինների մի աղբյուր: Նրա խոսքով՝ Հայաստանի երկու քաղաքացիների մարմինները՝ հրազենային վերքերով, հայտնաբերվել են «նոր» Մոսկվայում: Ներկայում իրավապահները պարզում են, թե ինչով Էին նրանք զբաղվում:
Իր հերթին, Ռուսաստանի հետաքննչական կոմիտեի Մոսկվայի ստորաբաժանման ղեկավարի օգնական Յուլյա Իվանովան հավաստել Է զոհվածների մարմինների հայտնաբերման փաստը եւ հավելել, որ պատահածի վայրում աշխատում Է հետաքննչական-օպերատիվ խումբը: Քրեական գործ Է հարուցվել ՌԴ Քրեական օրենսգրքի 105-րդ հոդվածի երկրորդ մասով (երկու եւ ավելի անձանց սպանություն):
Բացի այդ, նա հայտարարել Է, որ երկու տղամարդկանց մարմինները՝ հրազենային վերքերով, հայտնաբերվել են «նոր» Մոսկվայի տարածքի Ռոդնիկի միկրոշրջանի վարձու բնակարանում, այլ ոչ թե Շչերբինկայում, ինչպես ավելի վաղ հաղորդվել Էր:
«Քննիչները պատահարի վայրի զննում են անցկացնում, հարցաքննում հարեւաններին եւ հնարավոր ականատեսների: Կատարվում են համալիր հետաքննչական գործողություններ, որոնք ուղղված են պատահածի բոլոր հանգամանքները պարզելուն»,- ասել Է Իվանովան:
Բաժանորդագրվեք մեր ալիքին Telegram-ում