Գարո Փայլանը Էրդողանի դեմ բողոք կներկայացնի դատարանում
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի քրդամետ Ժողովուրդների դեմոկրատական կուսակցության անդամ, հայ պատգամավոր Գարո Փայլանը հայտարարել է երկրի նախագահ Ռեջեփ Թայիփ Էրդողանի դեմ դատական գործ հարուցելու մասին: Ինչպես հաղորդում է «Արմենպրես»-ը, այս մասին Փայլանը գրառում է կատարել թվիթերյան իր միկրոբլոգում:
Գրառումից զատ պատգամավորը հրապարակել է մի տեսանյութ, որտեղ երևում է, թե ինչպես Էրդողանի ելույթի ժամանակ հավաքված ամբոխը հայհոյում է հայերին` «հայ վիժվածքներ» վանկարկելով, իսկ Էրդողանը ժպիտը դեմքին հետևում է դրան: «Նախագահի` Տրապիզոնում ելույթ ունենալու ժամանակ հավաքվածները հայհոյում են հայերին: Որևէ միջամտություն դրան չեղավ: Վաղը դատարանում բողոք եմ ներկայացնելու»,- գրել է Փայլանը:
Cumhurbaşkanı Trabzon'da konuşurken
— garo paylan (@GaroPaylan) 16 октября 2016 г.
"millet" Ermeni'ye küfrediyor.
Hiçbir müdahalesi olmadı.
Yarın suç duyurusunda bulunacağım. pic.twitter.com/fGh8NnaVS5
Բաժանորդագրվեք մեր ալիքին Telegram-ում