Volkswagen ընկերությունը համաձայնել է վճարել 1.2 մլրդ դոլար ԱՄՆ-ի իր դիլերներին
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Volkswagen ընկերությունը տեղեկացրել է դատարանին, որ պատրաստ է իր ամերիկյան դիլերիներին վճարել 1.2 մլրդ դոլար փոխհատուցում դիզելային վառելիքի շուրջ առաջացած սկանդալի պատճառով:
Այս մասին, ինչպես տեղեկացնում է «Արմենպրես»-ը, հայտնել է Interfax.ru-ը:
Ավելի վաղ Սան Ֆրանցիսկոյի դաշնային դատարանը նախնական հավանության է արժանացրել դիզելային սկանդալի շրջանակում որպես փոխհատուցում Volkswagen ընկերության կողմից 14.7 մլրդ դոլար վճարելու մասին որոշումը: Այսօրվա դրությամբ ընդհանուր գումարն աճել է 1.2 մլրդ դոլարով:
Դատարանը որոշմանը վերջնական հավանություն կտա հոկտեմբերի 18-ին:
Volkswagen ընկերության շուրջ սկանդալն առաջացել էր 2015 թվականին ԱՄՆ-ում ընկերության ավտոմեքենաների վնասակար նյութերի արտանետումների ցածր ցուցանիշների հետ կապված խաբեբայությունների պատճառով:
Բաժանորդագրվեք մեր ալիքին Telegram-ում