«Ուրարտու»-ն երրորդ հաղթանակն է տարել
17:14, 30 Սեպտեմբեր 2016
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի «Ուրարտու»-ն Վրաստանում շարունակում է ուսումնամարզական հավաքը, որի ընթացքում երրորդ հաղթանակն է տարել: «Ուրարտու»-ի բասկետբոլիստները ընկերական խաղում 62:53 հաշվով հաղթել են Վրաստանի մինչև 20 տարեկանների հավաքականին:
«Արմենպրես»-ի հաղորդմամբ՝ տեղեկությունը հայտնում է Հայաստանի բասկետբոլի ֆեդերացիայի լրատվության բաժինը:
Խաղին չեն մասնակցել Տերի Սմիթը, Վիկտոր Հովսեփյանը եւ Միքայել Պողոսյանը, իսկ Ամիրան Ամիրախանովը, Տոդ Օբրայանը եւ Արիզոնա Ռեյդը քիչ ժամանակ են անցկացրել խաղահրապարակում:
Բաժանորդագրվեք մեր ալիքին Telegram-ում