Blackberry-ն որոշեց այլեւս սմարթֆոններ չթողարկել
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Blackberry կանադական ընկերությունը դադարեցնում Է սմարթֆոնների արտադրությունը: Այդ մասին, ինչպես տեղեկացնում Է «Արմենպրես»-ը, ասված Է ընկերության հայտարարության մեջ: Նման որոշման պատճառը դարձել Է Android գործառնական համակարգին անցնելու անհաջող փորձը:
Սպառողների հետաքրքրությունը Blackberry-ի նոր մոդելների նկատմամբ մեծացնելու հույսը չարդարացավ, ընկերության եռամսյակային հասույթը նվազեց 32 տոկոսով:
Blackberry-ն համալրող մասերի մշակումն ու արտադրությունը փոխանցում Է գործընկեր ընկերություններին, մասնավորապես, ինդոնեզական ընկերություններից մեկին: Իսկ բուն ընկերությունում կզբաղվեն ծրագրային ապահովման մշակմամբ եւ IT-ծառայությունների մատուցմամբ:
2000-ական թվականների սկզբին Blackberry-ն սմարթֆոնների շուկայի առաջատարներից մեկն Էր 80 մլրդ դոլարի կապիտալիզացիայով, բայց չկարողացավ մրցակցել iPhone-ի եւ Android պլատֆորմով աշխատող սմարթֆոնների հետ: Ընկերության հեռախոսների պահանջարկը վերջին տարիներին մշտապես նվազել Է: Ներկայում ընկերության կապիտալիզացիան կազմում Է 5,4 մլրդ դոլար:
Բաժանորդագրվեք մեր ալիքին Telegram-ում