ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Հանրապետական կուսակցությունից ԱՄՆ-ի նախագահի թեկնածու, միլիարդատեր Դոնալդ Թրամփի կարողությունը մեկ տարում նվազել Է 800 միլիոն դոլարով՝ կազմելով 3,7 միլիարդ դոլար: Սեպտեմբերի 28-ին այս մասին իր Էլեկտրոնային տարբերակում հայտնել Է Forbes հանդեսը: 

Նրա տվյալների համաձայն՝ մագնատի, որը սեփական շինարարական կայսրությունն ունի, կապիտալի կրճատման պատճառներից մեկը դարձել Է ԱՄՆ-ում, այդ թվում՝ Նյու Յորքում  անշարժ գույքի շուկայի թուլացումը:

Forbes-ն ստուգել Է հանրապետականին պատկանող 28 ակտիվները՝ պարզելով, որ դրանցից 18-ի արժեքը վերջին տարում զգալիորեն իջել Է: Միլիարդատիրոջ ակտիվներից սոսկ յոթն Է ավելացրել գինը:

Թրամփն ինքն ավելի վաղ հայտարարել Է, թե իր կապիտալը գերազանցում Է 10 միլիարդ դոլարը, սակայն փորձագետները քանիցս կասկած են հայտնել՝ պնդելով, որ ձեռնարկատիրոջ կարողությունը շատ ավելի փոքր Է, հաղորդել Է ՏԱՍՍ-ը:

Լուսանկարը`EPA