Լավրովն Արեւմուտքին մեղադրել Է Սիրիային վերաբերող հանձնառությունները չկատարելու մեջ
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Արեւմուտքը՝ ԱՄՆ-ի գլխավորությամբ, չի կատարում Սիրիայի վերաբերյալ հանձնառությունները: Այդ մասին, ինչպես տեղեկացնում Է «Արմենպրես»-ը, հայտարարել Է Ռուսաստանի արտաքին գործերի նախարար Սերգեյ Լավրովը: Նրա խոսքով՝ Վաշինգտոնը ցանկանում Է ուշադրությունը շեղել Դեր Զորի շրջանում Սիրիայի կառավարական զորքերի դիրքերին միջազգային կոալիցիայի հարվածներից:
Ըստ որում նախարարը նշել Է, որ կոալիցիան հարվածներ Է հասցնում միայն «Իսլամական պետություն» (ԻՊ) ահաբեկչական խմբավորման դիքերին, եւ ձեռք չի տալիս «Ջեբհաթ ան Նուսրայի» զինյալներին՝ «Ալ Քաիդայի» սիրիական ստորաբաժանմանը:
ԱՄՆ-ը փորձում Է Ռուսաստանի վրա բարդել այն բանի ամբողջ պատասխանատվությունը, ինչ տեղի Է ունենում Սիրիայում, հայտարարել Է Լավրովը՝ մեկնաբանելով ՄԱԿ-ի ԱԽ-ի վերջին նիստում ամերիկյան կողմի արած հայտարարությունը:
ՄԱԿ-ի Անվտանգության խորհուրդը սեպտեմբերի 25-ին անցկացրել Է իր թվով 7777-րդ նիստը՝ այն նվիրելով Սիրիայի Հալեպ քաղաքի իրադրությանը, որտեղ կառավարական զորքերը գործողություն են իրականացնում զինված խմբավորումների դեմ: Արտահերթ հանդիպում գումարած Մեծ Բրիտանիան, ԱՄՆ-ն եւ Ֆրանսիան իրենց ելույթներում մեղադրանքներ են հնչեցրել Դամասկոսի եւ Մոսկվայի հասցեին, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում