Նալբադյանը Պորտուգալիայի արտգործնախարարի հետ քննարկել է երկկողմ հարաբերությունների զարգացման հարցը
12:18, 24 Սեպտեմբեր 2016
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՄԱԿ-ի Գլխավոր ասամբլեայի 71-րդ նստաշրջանի շրջանակներում ՀՀ արտգործնախարարի պաշտոնակատար Էդվարդ Նալբանդյանը հանդիպեց Պորտուգալիայի արտգործնախարար Ավգուստո Սանթոս Սիլվայի հետ: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Հանդիպմանը քննարկվեցին երկկողմ հարաբերությունների զարգացման ուղիները, կարևորվեց քաղաքական երկխոսության ակտիվացումը, իրավապայմանագրային դաշտի ընդլայնումը։ Հանդիպմանն անդրադարձ արվեց միջազգային կազմակերպությունների շրջանակներում փոխգործակցության սերտացմանը:
Զրուցակիցները մտքեր փոխանակեցին տարածաշրջանային խնդիրների շուրջ։
Բաժանորդագրվեք մեր ալիքին Telegram-ում