ԱՄՆ-ում գնորդներն արդեն 500 հազար Galaxy Note 7 սմարթֆոններ են վերադարձրել
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկացի սպառողները սեպտեմբերի 22-ի երեկոյի դրությամբ արդեն 500 հազար Galaxy Note 7 սմարթֆոններ են վերադարձրել խանութներին դրանց բռնկումների եւ պայթյունների դեպքերի վերաբերյալ հաղորդագրություններից հետո: Այդ մասին, ինչպես տեղեկացնում Է «Արմենպրես»-ը, գրում Է The Wall Street Journal-ը: Ընդամենը Samsung-ը պլանավորում Է ԱՄՆ-ում հետ կանչել այդ մոդելի մոտավորապես 1 մլն հեռախոս, վկայում են ԱՄՆ-ի սպառողների իրավունքների պաշտպանության հանձնաժողովի տվյալները:
Դրա հետ մեկտեղ հարավկորեական կարգավորիչները կարգադրել են Samsung-ին՝ երկարացնել Galaxy Note 7-ի գնորդների համար փոխհատուցումների վճարման ժամկետը եւ լրացուցիչ միջոցներ ձեռնարկել կուտակիչների անվտանգությունն ապահովելու համար:
Samsung-ը փոխհատուցման ծրագիրն ավարտելու ժամկետը սեպտեմբերի 26-ից տեղափոխել Է սեպտեմբերի 30-ը: Ամերիկացիների մեծամասնությունը նախընտրել Է փոխարենը սմարթֆոն ստանալ, այլ ոչ թե Samsung-ի որեւԷ այլ սարք կամ դրամական փոխհատուցում: Ընդսմին նրանք գանգատվում են նոր հեռախոսների ստացման ժամկետների վերաբերյալ անբավարար տեղեկատվությունից եւ այլ խնդիրներից, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում