Հնդկաստանում հեղեղումը գերազանցել Է բոլոր ռեկորդները
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Հնդկաստանում Գանգես գետի վարարումից առաջացած հեղեղումը գերազանցել Է ջրի մակարդակի՝ նախորդ տարիների ռեկորդները, տեղեկացնում Է «Արմենպրես»-ը՝ հղում անելով BBC-ին:
Երկրի հյուսիսում՝ Փանթայում (Բիհարի նահանգի մայրաքաղաք), ջրի մակարդակը հասել Է 50,52 մետրի (1994 թվականի 50,27 մետրի համեմատությամբ), ռեկորդային են նաեւ ցուցանիշները Ութար Փրադեշի նահանգում:
Այս տարի Հնդկաստանում հեղեղումներն արդեն ավելի քան 150 մարդու կյանք են խլել, հազարավորները մնացել են անօթեւան:
Աշխարհում մեծությամբ երրորդ գետն ամեն տարի անձրեւների սեզոնին վարարում Է: Փորձագետներից ոմանք հեղեղումների պատճառ են համարում տիղմը, որը բերում են Գանգեսի ջրերը: Նրանց կարծիքով՝ տիղմը քանդում Է ափերը, եւ ջուրն անարգել իր տակ Է առնում գետի հարակից բնակավայրերը եւ գյուղատնտեսական հանդակները:
Լուսանկարը` AP
Բաժանորդագրվեք մեր ալիքին Telegram-ում