Ավարտվել է «Աբու Դաբի» միջազգային շախմատային մրցաշարը
14:50, 30 Օգոստոս 2016
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Արաբական Միացյալ Էմիրություններում ավարտվել է «Աբու-Դաբի» միջազգային շախմատային փառատոնը: Մրցաշարի հաղթող է դարձել Ռուսաստանը ներկայացնող գրոսմայստեր Դմիտրի Անդրեյկինը, ով 9-ը հնարավորից վաստակել է 7,5 միավոր:
«Արմենպրես»-ի փոխանցմամբ, տեղեկությունը հայտնում է Հայաստանի շախմատային ֆեդերացիան:
Զավեն Անդրիասյանը վաստակել է 6 միավոր և կիսել է 10-22-րդ հորիզոնականները: Բրազիլիան ներկայացնող մեր հայրենակից Գրիգոր-Սևակ Մխիթարյանը վաստակել է 5,5, իսկ Հրանտ Մելքումյանը և Սամվել Տեր-Սահակյանը վաստակել են 5-ական միավոր:
Բաժանորդագրվեք մեր ալիքին Telegram-ում