Իսպանական Նավարայում հրդեհը շուրջ 2,5 հազար հեկտար տարածք է ընդգրկել
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Հզոր հրդեհ Է բռնկել Իսպանիայի Նավարայի ինքնավար հանրակցությունում. այրվում են 2300-ից մինչեւ 2600 հեկտար տարածքներ, հիմնականում չոր խոտ եւ թփուտներ: Այդ մասին, ինչպես տեղեկացնում Է «Արմենպրես»-ը, հայտնել Է Նավարայի կառավարությունը:
Հրշեջները, որոնց լույս օգոստոսի 26-ին գիշերը հաջողվել Է իրադրությունը հսկողության տակ վերցնել՝ խոչընդոտելով հրդեհի հետագա տարածմանը, հայտարարում են, որ ջերմաստիճանի բարձրանալու դեպքում հրդեհը կարող Է բռնկել նոր ուժով:
Տաֆալիի շրջանում կրակի մարմանը մասնակցում Է օդուժը, այդ թվում՝ երկկենցաղ ինքնաթիռներ:
Հրդեհը բռնկել Է օգոստոսի 25-ի ցերեկը. դրա պատճառը, ամենայն հավանականությամբ, դարձել Է չհանգրած սիգարետը, որը նետվել Է ճանապարհին: Կրակն սկսել Է արագորեն տարածվել ուժեղ քամու, բարձր ջերմաստիճանի եւ չոր բուսականության պատճառով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում