Գալուստ Սահակյանը ցավակցական ուղերձներ է հղել Իտալիայի Պատգամավորների պալատի և Սենատի նախագահներին
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԺ նախագահ Գալուստ Սահակյանը Իտալիայում տեղի ունեցած երկրաշարժի կապակցությամբ ցավակցական ուղերձ է հղել Իտալիայի Հանրապետության Պատգամավորների պալատի նախագահ Լաուրա Բոլդրինիին և Սենատի նախագահ Պիետրո Գրասսոյին: Ինչպես «Արմենպրես»-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից, ուղերձում մասնավորապես ասված է.
«Հարգելի տիկին նախագահ, ցավով տեղեկացանք Իտալիայում տեղի ունեցած ավերիչ երկրաշարժի մասին: Հայաստանի Հանրապետության Ազգային ժողովի եւ անձամբ իմ անունից խորին ցավակցություն եմ հայտնում մարդկային զոհերի պատճառ հանդիսացած արհավիրքի կապակցությամբ:
Դժվարին այս պահին մեր զորակցությունն ու համերաշխությունն եմ ցանկանում հայտնել զոհերի եւ վիրավորների ընտանիքներին»:
Բաժանորդագրվեք մեր ալիքին Telegram-ում