Ադրբեջանում Իրանի նոր դեսպան կնշանակվի անվտանգության գծով վերլուծաբան Ջավադ Ջահանգիրզադեն
16:28, 24 Օգոստոս 2016
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Ադրբեջանում Իրանի նոր դեսպան կնշանակվի իրանական խորհրդարանի արտաքին քաղաքականության եւ ազգային անվտանգության հանձնաժողովի անդամ Ջավադ Ջահանգիրզադեն:
Այս մասին, ինչպես հաղորդում է «Արմենպրես»-ը, հայտնում են իրանական ԶԼՄ-ները` հղում կատարելով Իրանի ԱԳՆ-ի մամուլի քարտուղար Բահրամ Ղասիմիին:
Ջավադ Ջահանգիրզադեն նախկինում Իրանի Խորհրդակցական խորհրդում եղել է Արեւմտյան Ատրպատական նահանգի Ուրմիա քաղաքի ներկայացուցիչը, Իրանի ազգային անվտանգության ռազմավարական հետազոտությունների կենտրոնի ղեկավարը:
Բաժանորդագրվեք մեր ալիքին Telegram-ում