Գիտնականները նշել են երեխաների կողմից շաքարի օգտագործման օրական նորման
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Երկուսից մինչեւ 18 տարեկան երեխաները կերակրի մեջ օրական պետք Է օգտագործեն վեց թեյի գդալ (25 գրամ) շաքար: Այդ մասին, ինչպես տեղեկացնում Է «Արմենպրես»-ը, հաղորդվում Է Circulation հանդեսում:
Գիտնականներն այսչափ տարբեր տարիքի երեխաների համար միասնական նորմա են առաջարկում, որպեսզի այդ թիվը լինի պարզ եւ հեշտությամբ հիշվի ծնողների ու բուժաշխատողների կողմից: Այս նորման գերազանցող քանակություններով շաքարի օգտագործումը (խոսքն ավելացված շաքարի մասին Է) կապում են սրտանոթային հիվանդությունների եւ ճարպակալման վտանգի լրացուցիչ գործոնների հետ:
Այն երեխաները, որոնք չարաշահում են շատ շաքար պարունակող խմիչքներն ու ճաշատեսակները, քիչ են օգտագործում առողջ սնունդ՝ մրգեր, բանջարեղեն եւ ճարպի ցածր պարունակությամբ կաթնամթերքներ:
Բացի այդ, փորձագետները խորհուրդ են տալիս բացառել շաքարը երկու տարեկանից ցածր երեխաների սննդակարգից: Այս տարիքում մարդկանց մոտ կալորիաների պահանջը համեմատաբար մեծ չԷ, եւ շաքարի հատուկ անհրաժեշտություն չկա:
Բացի այդ, հենց վաղ տարիքում են ձեւավորվում մարդու սննդային հակումները, եւ քաղցրի նկատմամբ սերը երեխաներին ստիպում Է ապագայում հրաժարվել ավելի առողջ սննդից:
Նշվում Է, որ ավելացված շաքարի գլխավոր աղբյուրներն են՝ գազավորված ըմպելիքները, Էներգետիկ, մարզական խմիչքները եւ սառը թեյերը:
Բաժանորդագրվեք մեր ալիքին Telegram-ում