Բեյոնսեն հագուստը նվիրել Է Lemonade նոր ալբոմի լույսընծայմանը
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Ամերիկացի երգչուհի Բեյոնսեն ներկայացրել Է հագուստի եւ աքսեսուարների նոր հավաքածու՝ նվիրված Lemonade նոր ալբոմի լույսընծայմանը: Այս մասին, ինչպես տեղեկացնում Է «Արմենպրես»-ը, օգոստոսի 23-ին հաղորդել Է Highsnobiety-ն:
Մարզաշապիկների, բլուզների եւ հուդիների վրա պատկերված են կիտրոններ եւ դեղին զգեստներով աղջիկներ՝ բեյսբոլի զարկիչները ձեռքներին՝ Բեյոնսեի կերպարը տեսահոլովակներից մեկում: Հագուստը եւ աքսեսուարներն արդեն հայտնվել են վաճառքում, դրանց գներն սկսվում են 25 դոլարից: Հավաքածուն մատչելի Է Համացանցում:
Բեյոնսեն r'n'b ժանրի ամենահանրաճանաչ կատարողներից մեկն Է: Նրա սոլո դիսկոգրաֆիայում հինգ ալբոմներ են: Բեյոնսեն ունի «Գրեմմիի» 20 պարգեւ՝ ինչպես խմբի կազմում ձայնագրված երաժշտության, այնպես Էլ սոլո ձայնագրությունների համար:
Բաժանորդագրվեք մեր ալիքին Telegram-ում