Արսինե Խանջյանը մտադիր է ակցիաների իր նկարահանումները հետագայում որևէ ձևով ներկայացնել հանրությանը
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Կանադահայ դերասանուհի և պրոդյուսեր Արսինե Խանջյանը, ով այս օրերին գտնվում է Երևանում և նկարահանումներ կատարում բողոքի ակցիաների ժամանակ, մտադիր է այն որոշակի տեսքով ներկայացնել ապագայում: «Արմենպրես»-ի փոխանցմամբ` այս մասին լրագրողներին հայտնեց դերասանուհին` նշելով, որ նախապես տեղի ունեցող իրադարձությունները վավերագրելու նպատակ չի հետապնդել:
«Այդ տեսախցիկը նոր եմ վերցրել, այստեղից հետո Բեյրութ պետք է գնամ, հուսով եմ հորաքրոջս արձանագրեմ, ով տարեց է ու Տիգրանակերտի բարբառն է կիրառում: Բայց երբ իմ շուրջը տեսա մարդկանց, ովքեր նկարում էին, ես էլ որոշեցի: Վստահաբար այն պետք է ադյունք ունենա: Ներկայում ժամանակ չունեմ, Ատոմը (խմբ. ռեժիսոր Ատոմ Էգոյան, ով Արսինե Խանջյանի ամուսինն է) կամ ես առաջիկայում դրա վրա կաշխատենք»,-ասաց Արսինե Խանջյանը:
Բաժանորդագրվեք մեր ալիքին Telegram-ում