Թրամփը սուր քննադատության Է ենթարկել Քլինթոնին նրա ճառից անմիջապես հետո
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Հանրապետական կուսակցությունից ԱՄՆ-ի նախագահի թեկնածու Դոնալդ Թրամբը սուր քննադատության Է ենթարկել իր դեմոկրատ մրցակցուհի Հիլարի Քլինթոնին այն բանից անմիջապես հետո, երբ նա Ֆիլադելֆիայում ավարտել Է ելույթը դեմոկրատների համագումարում, տեղեկացնում Է «Արմենպրես»-ը:
«Ոչ ոք ավելի վատ որոշումներ չի ընդունում, քան Հիլարի Քլինթոնը. կոռուպցիան եւ ավերածությունները հետեւում են նրան ամենուրեք»,- Twitter-ում հայտարարել Է Թրամփն իր տասը միլիոն բաժանորդներին: «Մերձավոր Արեւելքում Հիլարիի պատերազմները հանգեցրեցին ավերածության, ահաբեկչության եւ ԻՊ-ի (գործունեության) ամբողջ աշխարհում»,- հայտարարել Է Թրամփը մի այլ թվիթերում: Նա նաեւ Քլինթոնին մեղադրել Է այն բանում, որ վերջինս չի արտասանել «արմատական իսլամ» բառերն ահաբեկչության վերաբերմամբ:
Վերջապես, Թրամփը հարձակման Է անցել Քլինթոնի տնտեսական ծրագրի վրա: «Հիլարին աշխարհը պատկերացնում Է առանց սահմանների, որտեղ աշխատող մարդիկ չունեն ոչ իշխանություն, ո՛չ աշխատանք, ո՛չ Էլ անվտանգություն»,- հայտարարել Է Թրամփը: «Հիլարին երբեք չի բարափոխի Ուոլ Սթրիթը: Նա պատկանում Է Ուոլ Սթրիթին»,- հավելել Է նա, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում