ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Ֆուտբոլի  «International Champions Cup» մրցաշարում Դորտմունդի «Բորուսիա»-ն ուժերը չափեց «Մանչեսթեր Սիթի»-ի հետ: «Արմենպրես»-ը տեղեկացնում է,  որ անգլիական ակումբը վերջին րոպեին բաց թողած գնդակի պատճառով ձեռքից բաց է թողել հաղթանակը հիմնական ժամանակում: Հաղթողը որոշվել է 11-մետրանոց հարվածներով, որտեղ հաջողությունը ուղեկցել է «Մանչեսթեր Սիթի»-ին:

Առաջին խաղակեսում դարպասի գրավում չի արձանագրվել: 2-րդ կեսում ևս թիմերը ավելի հաջող են գործել պաշտպանությունում: Հանդիպման վերջնամասում ՝85-րդ րոպեին , «Մանչեսթեր Սիթի»-ին հաշվի մեջ առաջ է մղել Սերխիո Ագուերոն: «Բորուսիա»-ն չհանձնվեց ու պայքարեց մինչև վերջին րոպեն ու հասավ արդյունքի: Գերմանական ակումբի կազմում գոլի հեղինակ դարձավ և իր թիմին հիմնական ժամանակում պարտությունից փրկեց երիտասարդ Քրիստիան Պուլիշիչը: 11-մերտանոց հարվածաշարում անգլիական ակումբը հաղթեց 5-6 հաշվով: