Բասկետբոլի ԱՄՆ-ի հավաքականը գերխոշոր տարբերությամբ հաղթել է Չինաստանին
16:59, 27 Հուլիս 2016
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: «Ռիո-2016»-ում տղամարդկանց բասկետբոլի մրցաշարի ֆավորիտ Ամերիկայի Միացյալ Նահանգների հավաքականը ստուգողական հանդիպում է անցկացրել Չինաստանի հետ: «Արմենպրես»-ը հայտնում է, որ Միացյալ Նահանգների թիմը ունեցել է հսկայական առավելություն և կարողացել է հաղթել 50 միավորի տարբերությամբ: Գրանցվել է 107:57 հաշիվ:
Ամառային օլիմպիական խաղերում ԱՄՆ-ի և Չինաստանի հավաքականներն ընդգրկված են նույն խմբում, որտեղ մրցակիցները կլինեն Ֆրանսիայի, Սերբիայի, Վենեսուելայի եւ Ավստրալիայի հավաքականները:
Բաժանորդագրվեք մեր ալիքին Telegram-ում