ԳԱՎԱՌ, 23 ՀՈՒԼԻՍԻ, ԱՐՄԵՆՊՐԵՍ: Գեղարքունիքի մարզի Մարտունի քաղաքում ընթացող շախմատի միջազգային մրցաշարի 6-րդ տուրի ավարտից հետո մրցաշարային աղյուսակում հաստատվեց եռիշխանություն: Ինչպես «Արմենպրես»-ին տեղեկացրեց մրցաշարի մրցավար Նորայր Քալանթարյանը, խաղաղ արդյունքով են ավարտվել Սեւյան-Գուիջարո, Գաբուզյան-Փաշիկյան,  Տեր-Սահակյան-Արտեմեւ պարտիաները: Համառ պայքարում Դուդան հաղթել է Հովհաննիսյանին, Սանթոշը՝ Օնիշչուկին:

6 տուրից հետո մրցաշարային աղյուսակը 4-ական միավորով գլխավորում են Սամվել Սեւյանը, Յան Դուդան եւ Վիդիթ Սանթոշը: 3,5 միավոր են վաստակել Սամվել Տեր-Սահակյանը եւ Վլադիսլավ Արտեմեւը, 3 միավոր՝ Դավիդ Գուիջարոն, 2,5-ական միավոր՝ Ռոբերտ Հովհաննիսյանը եւ Արման Փաշիկյանը: Աղյուսակը 1,5 միավորով եզրափակում են Հովհաննես Գաբուզյանը եւ Վլադիմիր Օնիշչուկը: Վաղը կկայանա 7-րդ տուրը։

Խոսրով Խլղաթյան