Երևանում շարունակվում են ծառերի բուժման աշխատանքները
15:51, 22 Հուլիս 2016
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Մայրաքաղաք Երևանի վարչական շրջաններում ծառերի բուժման աշխատանքները մեկնարկել են հունիսի 15-ից և կշարունակվեն մինչև օգոստոսի 15-ը։ Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:
Բուժման են ենթարկվում հիմնականում թեղի, կաղնի, թխկի և ակացիա տեսակի ծառերը։
Դրանց բուժման գործընթացում օգտագործվում են լվիճների ոչնչացմանը նպաստող «ցիպերմաքսի», «դիազինոն», «կոմֆիդոր» տեսակի ժամանակակից ու արդյունավետ բուժանյութերը։
Ծաղկային տարածքների դեպքում օգտագործվում են այլ բուժանյութեր։
Բաժանորդագրվեք մեր ալիքին Telegram-ում