ԱՄՆ-ն չի պատրաստվում պատժամիջոցներ սահմանել Կիսելյովի նկատմամբ
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: ԱՄՆ-ն չի նախատեսում Եվրամիության օրինակով պատժամիջոցներ սահմանել «Россия сегодня»-ի գլխավոր տնօրեն, «Вести недели» հաղորդման հեղինակ Դմիտրի Կիսելյովի դեմ: Այս մասին հաղորդել է ԱՄՆ պետքարտուղարի տեղակալ Ֆրիդ Դենիելը: Ինչպես հաղորդում է «Արմենպրես»-ը, հղում կատարելով «ՌԻԱ Նովոստի»-ին, Ֆրիդ Դենիելի մեկնաբանություններին արձագանքել է Դմիտրի Կիսելյովը:
Նա նշել է, որ ԱՄՆ-ի պաշտոնյաները գործում են ավելի նրբանկատ, քան Եվրամիության:
«Այստեղ նկատվում է ամերիկացի պաշտոնյաների նրբանկատ մոտեցումը: Պատժամիջոցներ սահմանելով` Եվրամիության պաշտոնյաները ցանկացել են լինել, ինչպես ասում են, Հռոմի Պապից ավելի կաթոլիկ»,-ասել է նա:
Կիսելյովի դեմ անհատական պատժամիջոցներ են սահմանվել 2014 թվականին, երբ նա ներառվել է այն մարդկանց ցանկում, որոնք ԵՄ-ի կարծիքով սպառնում են Ուկրաինայի տարածքային ամբողջականությանն ու անկախությանը: ԵՄ-ի այս որոշումը բողոքարկվել է Եվրոպական դատարանում 2015 թվականի մայիսին:
Լուսանկարը` РИА Новости
Բաժանորդագրվեք մեր ալիքին Telegram-ում