Զոլաքարում եւ Այրքում վերընտրվել են գործող գյուղապետեր Արման Ղազարյանը եւ Արտյոմ Շաբոյանը
11:55, 18 Ապրիլ 2016
ԳԱՎԱՌ, 18 ԱՊՐԻԼԻ, ԱՐՄԵՆՊՐԵՍ: Գեղարքունիքի մարզի Զոլաքար եւ Այրք համայնքներում ապրիլի 17-ին կայացան համայնքի ղեկավարի ընտրություններ: Ինչպես «Արմենպրես»-ին տեղեկացրին Գեղարքունիքի մարզի թիվ 23 եւ 24 ընտրատարածքային ընտրական հանձնաժողովներից, ընտրությունների արդյունքում վերընտրվել են գործող գյուղապետեր Արման Ղազարյանը եւ Արտյոմ Շաբոյանը, ովքեր մրցակիցներ չեն ունեցել:
Զոլաքար գյուղում 4918 ընտրողից քվեարկությանը մասնակցել են 3534-ը, որոնցից 3522-ը քվեարկել են Արման Ղազարյանի օգտին: Այրքում 300 ընտրողներից քվեարկությանը մասնակցել են 175-ը, որոնցից 175-ը կողմ են քվեարկել Արտյոմ Շաբոյանին:
Խոսրով Խլղաթյան
Բաժանորդագրվեք մեր ալիքին Telegram-ում