Դոնոր երկրները Սիրիայի համար հանգանակել են ավելի քան 10 միլիարդ դոլար
22:01, 4 Փետրվար 2016
ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Սիրիայի խնդիրների շուրջ անցկացված համաժողովի ընթացքում դոնոր երկրների ջանքերով 10 միլիարդ դոլարից ավելի օգնություն է հավաքվել: Այս մասին հայտարարել է Մեծ Բրիտանիայի վարչապետ Դեյվիդ Քեմերոնը: Ինչպես հաղորդում է «Արմենպրես»-ը` վկայակոչելով ТАСС-ը, միջոցները կուղղվեն Սիրիայում աշխատատեղերի ստեղծմանն ու երեխաներին կրթությամբ ապահովմանը:
Նրա տեղեկացմամբ` 6 միլիարդ դոլար կուղղվի այս տարի հումանիտար աջակցության տրամադրմանը, իսկ 5 միլիարդ դոլար էլ կհատկացվի այդ կարիքների լուծմանը մինչև 2020 թվականը: Քեմերոնը կարծում է, որ սիրիական հակամարտության համար պետք է տրվի «քաղաքական լուծում», իսկ հումանիտար գործողությունների կատարումը հնարավոր կլինի միայն կրակի դադարեցումից հետո:
Բաժանորդագրվեք մեր ալիքին Telegram-ում