PKK-ն ազատ է արձակել առեւանգած 20 թուրք մաքսավորներին
13:05, 8 Սեպտեմբեր 2015
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Քուրդիստանի աշխատավորական կուսակցության (PKK) զինված թեւ Դեմոկրատական միասնություն կուսակցության (HPG) մարտիկներն ազատ են արձակել օգոստոսին առեւանգած 20 թուրք մաքսավորներ չինովնիկներին, որոնցից 4-ը մաքսատան բաժինների ղեկավարներ են:
Ինչպես հաղորդում է «Արմենպրես»-ը` վկայակոչելով DemokratHaber կայքը, քուրդ զինյալները մաքսավորներին արձանագրությամբ հանձնել են քաղաքացիական հասարակական մի կազմակերպության պատվիրակությանը:
HPG-ն որոշել էր մաքսավորներին ազատ արձակել դեռ անցյալ շաբաթ, սակայն, դա հնարավոր չի եղել անել թուրքական զինուժի կողմից զինյալների դիրքերի վրա օդային ռմբակոծությունների պատճառով:
Oգոստոսին HPG-ը թուրք մաքսավորներին առեւանգել էր` նրանց հերթապահության մեկնելու ժամանակ:
Բաժանորդագրվեք մեր ալիքին Telegram-ում