Վրաստան Է ժամանել Եվրոպայում ԱՄՆ-ի բանակի գլխավոր հրամանատարը
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի պաշտպանության նախարար Թինաթին Խիդաշելին հանդիպում Է անցկացրել Եվրոպայում ԱՄՆ-ի բանակի գլխավոր հրամանատար, գեներալ-լեյտենանտ Բեն Հոջեսի հետ: Այդ մասին, ինչպես տեղեկացնում Է «Արմենպրես»-ը, սեպտեմբերի 7-ին հաղորդել Է Վրաստանի պաշտպանության նախարարության մամուլի ծառայությունը:
Բացի պաշտպանական գերատեսչության ղեկավարից, վրացական կողմից ներկա են եղել Վրաստանի զինուժերի գլխավոր շտաբի պետ Վախթանգ Քափանաձեն եւ նրա տեղակալը՝ գնդապետ Օմար Բեգոիձեն:
Ըստ գերատեսչության հաղորդագրության՝ հանդիպման ընթացքում քննարկվել Է Վրաստանի եւ ԱՄՆ-ի զինված ուժերի միջեւ համագործակցության խորացումը, ինչպես նաեւ ԱՄՆ-ի զորակազմի ընդլայնումը երկկողմ վարժանքների ժամանակ:
Գեներալ Հոջեսը ներկայացնում Է ԱՄՆ-ի զինված ուժերի այն ստորաբաժանումը, որը պատասխանատու Է վրաց-ամերիկյան «Արժանի գործընկեր» (Noble Partner 2015) համատեղ զորավարժությունների անցկացման համար: Դրանք ընթացիկ տարվա մայիսին տեղի են ունեցել Թբիլիսիի մերձակա Վազիանի ռազմակայանի տարածքում: Վարժանքները պլանավորվում Է անցկացնել նաեւ հաջորդ տարի:
Բաժանորդագրվեք մեր ալիքին Telegram-ում