Ford-ն արտասահմանյան ավտոընկերություններից առաջինը շարժիչներ կարտադրի Ռուսաստանում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ford-ը կդառնա առաջին արտասահմանյան ավտոարտադրողը, որը շարժիչների արտադրության գործարան կբացի Ռուսաստանում: Արտադրությունը կկազմակերպվի Թաթարստանի «Ալաբուգա» հատուկ տնտեսական գոտում: Այս մասին, ինչպես տեղեկացնում Է «Արմենպրես»-ը, ՏԱՍՍ-ին հայտնել Է Ford Sollers ընկերության ներկայացուցիչ Անաստասիա Կոժեւնիկովան:
«Նոր արտադրությունը կդառնա Ռուսաստանում արտասահմանյան ավտոմոբիլային առեւտրանիշի առաջին նման նախագիծը: Արտասահմանյան ավտոարտադրողները Ռուսաստանում համանման գործարաններ չունեն»,- ասել Է նա:
Նրա խոսքով՝ գործարանի կառուցման գործում ներդրումները կազմել են 275 միլիոն դոլար: Այն կթողարկի Ti-VCT Sigma 1,6-լիտրանոց շարժիչներ հզորության երեք տարբերակներով՝ 85, 105 եւ 125 ձիաուժ: Դրանք տեղադրվում են Ford-ի ամենատարածված մոդելներում՝ այդ թվում Ford Fiesta, Ford Fusion եւ Ford Focus ավտոմոբիլներում:
«Գործարանում տեղակայված սարքավորանքն անալոգներ չունի Ռուսաստանում, այն թույլ Է տալիս 95 տոկոսով ավտոմատացնել արտադրական գործընթացները»,- նշել Կոժեւնիկովան:
Լուսանկարը` ТАСС
Բաժանորդագրվեք մեր ալիքին Telegram-ում