ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Սեպտեմբերի 1-ից Վրաստանում տարիքային բոլոր թոշակառուների թոշակը կբարձրացվի 10 լարիով (ավելի քան 4,3 դոլար) եւ թոշակը կկազմի 160 լարի (70 դոլար): Այդ մասին, ինչպես տեղեկացնում Է «Արմենպրես»-ը, հայտնել Է հանրապետության առողջապահության փոխնախարար Զազա Սոպրոմաձեն:

2013 թվականի սեպտեմբերից տարիքային բոլոր թոշակառուները՝ կանայք 60 տարեկանից, իսկ տղամարդիկ՝ 65-ից, թոշակ են ստանում նվազագույն ապրուստամիջոցի՝ 150 լարիի (65,2 դոլար) չափով:

«Սեպտեմբերի 15-ից բոլոր թոշակառուները կստանան ավելացված թոշակ: Դրա համար տարեկան լրացուցիչ անհրաժեշտ կլինի 30 մլն լարի, ինչն արդեն նախատեսված Է բյուջեում»,-ասել Է Սոպրոմաձեն:

Վերջին մեկուկես տարվա ընթացքում Վրաստանում թոշակառուների թիվն ավելացել Է 17 հազարով եւ այսօրվա դրությամբ կազմում Է ավելի քան 703 հազար: