ԿԱԼԻՆԻՆԳՐԱԴ, 18 ՀՈՒԼԻՍԻ, ԱՐՄԵՆՊՐԵՍ: Ռուսաստանի Դաշնության Կալինիգրադ քաղաքում հրշեջ-փրկարարները մարել են Չայկովսկու անվան փողոցի 4-րդ ծննդատանը բռնկված հրդեհը: Ինչպես հաղորդում է «Արմենպրես»-ը` վկայակոչելով ՏԱՍՍ գործակալությունը, ՌԴ արտակարգ իրավիճակների ծառայության տեղական վարչության մամուլի ծառայության ղեկավար Ալեքսեյ Բարանովը հայտնել է, որ հրդեհի մասին ահազանգն ստացվել է ժամը 11:56-ին (Կալինինգրադի ժամանակով):

Փրկարարները ծննդատան շենքից տարհանել են 51 կնոջ, 38 երեխայի և բուժանձնակազմի 21 աշխատակցի:  Տուժածներ չկան:

Հրդեհի բռնկման աղբյուրը գտնվել ծննդատան տնտեսական մանսաբաժիններից մեկում: Հրդեհն ամբողջությամբ մարվել է 12:30-ին: Դեպքի վայրում աշխատել է 23 փրկարար: Հրդեհի պատճառները հստակեցվում են: