ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Շուրջ 10 հազար մոսկվացիներ եւ Մերձմոսկվայի բնակիչներ, գլխավորապես հայ համայնքի ներկայացուցիչներ, ապրիլի 24-ին մասնակցել են Օսմանյան կայսրությունում հայերի ցեղասպանության 100-րդ տարելիցին նվիրված միջոցառումներին, տեղեկացնում Է «Արմենպրես»-ը՝ հղում անելով «Ինտերֆաքս»-ին:

Հայ առաքելական եկեղեցու՝ Օլիմպիական պողոտայում գտնվող մայր տաճարում տեղի Է ունեցել հիշատակի աղոթք. արարողությունը գլխավորել Է Ռուսաստանի եւ Նոր Նախիջեւանի թեմի առաջնորդ Եզրաս արքեպիսկոպոս Ներսիսյանը:

Բացի այդ, այստեղ՝ տաճարային համալիրի տարածքում, մարմարե կոթող Է բացվել ցեղասպանության զոհերի հիշատակին: Ռուսաստանի պաշտոնական իշխանությունների անունից հավաքվածներին ցավակցական խոսքով դիմել Է ՌԴ արտաքին գործերի փոխնախարար Գրիգորի Կարասինը, որը նաեւ ընթերցել Է Ռուսաստանի նախագահ Վլադիմիր Պուտինի եւ Մոկվայի եւ Համայն Ռուսիո պատրիարք Կիրիլի ուղերձը:

Եկեղեցական համալիրի մշակութային կենտրոնում բացվել Է փաստաթղթերի եւ լուսանկարչական տարբեր նյութերի ցուցադրանքը, որոնք վերաբերում են հարյուրամյա վաղեմության իրադարձություններին:

Տաճարի շրջակա ողջ տարածքը լեփլեցուն Էր մարդկանցով, որոնք կրծքանշաններ Էին կրում ցեղասպանության զոհերի հիշատակը խորհրդանշող անմուռուկների տեսքով եւ բռնել Էին Հայաստանի դրոշներ: