Շախմատի Հայաստանի չեմպիոն դարձավ Շուշաննա Սարգսյանը
20:56, 21 Հունվար 2014
ԵՐԵՎԱՆ, ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի կանանց 69-րդ առաջնության հաղթող դարձավ Շուշաննա Սարգսյանը:
Վայքը ներկայացնող շախմատիստուհին վերջին տուրում կիսեց միավորը նախկին չեմպիոն Աննա Հայրապետյանի հետ: Մյուս պարտիաներում Արմինե Բաբայանը զիջեց Սիրանուշ Ղուկասյանին, իսկ Անահիտ Գևորգյանը` Սուսաննա Գաբոյանին: Նարինե Գասպարյանը առավելության հասաց Հասմիկ Ղամբարյանի նկատմամբ, իսկ Մարիա Գևորգյանը ոչ մի հնարավորոթյուն չտվեց Սվետլանա Միրզաբեկյանին:
Վերջին տուրից հետո 3 շախմատիստուհիներ ունեին 7-ական միավոր, սակայն լրացուցիչ գործակիցներով առավելության շնորհիվ հաղթող դարձավ Շուշաննա Սարգսյանը: Մարիա Գևորգյանը և Սիրանուշ Ղուկասյանը բաժանեցին երկրորդ և երրորդ տեղերը:
Բաժանորդագրվեք մեր ալիքին Telegram-ում