ԱՄՆ նախկին և ներկա նախագահները կհանդիպեն Տանզանիայում
19:37, 1 Հուլիս 2013
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Տանզանիան դարձել է ԱՄՆ նախագահ Բարաք Օբամայի մեկշաբաթյա աֆրիկյան շրջայցի վերջին կանգառը։ Ինչպես գրում է անգլիական BBC-ն, Օբաման պատրասվում է բանակցություններ վարել Տանզանիայի նախագահի հետ, ինչպես նաև այցելություն ունենալ Ուբունգո էլեկտրոստանցիա՝ Աֆրիկայի էլեկտրաֆիկացման ծրագրի շրջանակներում։
Տանզանիայում Բարաք Օբաման կհանդիպի ԱՄՆ նախկին նախագահ Ջորջ Բուշի հետ, ով մեկնելու է այնտեղ մասնակցելու աֆրիկյան կանանց համաժողովին, որը կազմակերպվել է նրա անունը կրող ինստիտուտի կողմից։
«Արմենպրես»-ի հաղորդմամբ՝ Բարաք Օբաման և Ջորջ Բուշը ծրագրել են միասին այցելել ԱՄՆ դեսպանատուն՝ մասնակցելու 1998 թվականի պայթյունի հետևանքով մահացածների հիշատակին նվիրված միջոցառմանը։
Բաժանորդագրվեք մեր ալիքին Telegram-ում