Ադրբեջանական միլիարդավոր դոլարների դիմաց Հունգարիան արտահանձնեց Սաֆարովին. Հունգարիայի LMP ընդդիմադիր խմբակցություն
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հունգարիայի խորհրդարանի LMP ընդդիմադիր խմբակցությունը կիսում է Ռամիլ սաֆարովին ազատ արձակելու վերաբերյալ հայ ժողովրդի մտահոգությունը: Ինչպես փոխանցում է «Արմենպրես»-ը` վկայակոչելով հունգարական Lehetmas.hu պարբերականը, այս մասին հայտարարել է Հունգարիայի խորհրդարանի LMP ընդդիմադիր խմբակցությունը:
«2004 -ին Հունգարիայում հայ սպա Գուրգեն Մարգարյանին կացնահարած ադրբեջանցի ոճրագործ Ռամիլ Սաֆարովի արտահանձնումը Հունգարիայից Ադրբեջան հարված հասցրեց Հայաստանին, որի արդյունքում Հայաստանը խզեց իր դիվանագիտական հարաբերությունները Հունգարիայի հետ:
Հունգարիայի կառավարությունը նպաստեց, որպեսզի ոճրագործն ազատ արձակվի, և այսօր նրան Ադրբեջանում ընդունում են որպես հերոսի: Եթե Հունգարիայի արդարադատության նախարարությունը չուներ Սաֆարովին Ադրբեջանին չհանձնելու կամքը, ապա Արտաքին գործերի նախարարությունը պարտավոր էր ուշադրություն հրավիրել հնարավոր հետևանքների վրա: Հունգարիայի կառավարությունը գնաց այդ քայլին` Ադրբեջանի կողմից 2-3 միլիարդ դոլարի ներդրումների խոստման արդյունքում»,- հայտարարել է LMP ընդդիմադիր խմբակցությունը:
Բաժանորդագրվեք մեր ալիքին Telegram-ում