Ադրբեջանցի հաքերները սպառնում են կոտրել նաեւ ՀՀ արտաքին գործերի նախարարության կայքը
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Անդրբեջանցի հաքերները հունիսի 15-ին կոտրել են Blognews-ի եւ «Միավորված հայեր» շաբաթերթի կայքէջը: «Արմենպրես»-ը հաղորդում է, որ վերջինիս գլխավոր էջում նրանք նաեւ գրառում են թողել` նշելով, որ հաջորդիվ կոտրելու են նաեւ ՀՀ արտաքին գործերի նախարարության կայքը:
Azerbaijan Black Hats-ը գրել է, որ հարձակումները կառավարական եւ լրատվական կայքերի վրա շարունակվելու են: «Մենք խոստացանք ու շարունակում ենք մեր անելիքը: Այս օրերին մենք կոտրել ենք 8 հայտնի հայկական կայքեր եւ սա դեռ սկիզբն է: Դուք մեզ չեք կարող կանգնեցնել, եւ առաջիկայում ավելի հզոր հարձակումներ ենք կատարելու հայկական կայքերի վրա: Սա կատակ չէ, սա խաղ չէ, այլ պատերազմ: Մեր հաջորդ թիրախը լինելու է Հայաստանի արտաքին գործերի նախարության կայքը` mfa.am-ը: Սպասեք մեզ»,- գրված է եղել հաղորդագրության մեջ:
«Արմենպրես»-ի կայքը հունիսի 13-ի գիշերը նույնպես ադրբեջանական խմբի կողմից ենթարկվել էր հաքերային հարձակման:
Բաժանորդագրվեք մեր ալիքին Telegram-ում