Դավիթ Խիթարյանը՝ ձյուդոյի օլիմպիական Ա կարգի մրցավար
17:54, 13 Փետրվար 2012
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Հայաստանի ձյուդոյի միջազգային կարգի մրցավար, ՀՀ ձյուդոյի ֆեդերացիայի փոխնախագահ Դավիթ Խիթարյանը Հունգարիայի մայրաքաղաք Բուդապեշտում բարեհաջող հանձնեց ձյուդոյի օլիմպիական Ա կարգի միջազգային մրցավարի քննությունը եւ արժանացավ օլիմպիական Ա կարգի մրցավարի արտոնագրությանը:
Այս մասին «Արմենպրես»-ին տեղեկացրին Հայաստանի ձյուդոյի ֆեդերացիայից:
Այս քննությունը կազմակերպել Էր ձյուդոյի միջազգային ֆեդերացիան Բուդապեշտում ընթացող ձյուդոյի աշխարհի գավաթի մրցաշարի շրջանակում:
Այս կոչմանը հավակնում Էին 15 երկրների միջազգային կարգի 16 մրցավարներ, որոնցից 6-ը՝ Ֆրանսիայից, Մեծ Բրիտանիայից, Պորտուգալիայից, ԱՄՆ-ից, Թաջիկիստանից եւ Հորդանանից չկարողացան հանձնել քննությունը:
Բաժանորդագրվեք մեր ալիքին Telegram-ում