ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի Ազգային ժողովի պատգամավորները պահանջում են Սահմանադրական խորհրդից Ցեղասպանությունների ժխտումը քրեականացնող օրինագիծը քննել արագացված ընացակարգով: Ինչպես հաղորդում է «Արմենպրես»-ը՝ վկայակոչելով Nouvelles d’Armenie-ն, այս մասին նշվում է Ֆրանսիայում իշխող Միություն՝ հանուն ժողովրդական շարժման անդամ պատգամավորներ Էրիկ Շտրաումանի և Ժան Պիեռ Մորեի կողմից նախաձեռնած դիմումի մեջ:

«Բորբոքված կրքերը հանդարտեցնելո նպատակով պահանջում ենք կառավարությունից, որ այդ օրենքը Սահմանադրական խորհրդում քննվի արագացված ընթացակարգով, այն է՝ մեկ շաբաթվա ընթացքում»,- նշվում է հայտարարության մեջ:

Կառավարության կողմից պատգամավորների առաջարկն ընդունելու և Սահմանադրական խորհրդին դիմելու պարագայում, հարցը խորհրդում պետք է քննվի ութ օրվա ընթացքում, հակառակ պարագայում այն կարող է քննվել մեկ ամսվա ընթացքում:

Ֆրանսիայի Սահմանադրական խորհուրդը Ցեղասպանությունների ժխտումը քրեականացնող օրինագիծն ընդունել է իր վճռահատման օրակարգ՝ 72 սենատորների դիմումի հիմքով: