Ֆրանսիայի Սենատի պատգամավորը գտնում է` Թուրքիան մի օր կընդունի Հայոց ցեղասպանությունը
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Բոլոր երկրները պետք է ընդունեն Հայոց ցեղասպանությունը, իսկ այդ բացն ամբողջապես կարող է լրացնել միայն Թուրքիան' հենց ինքն էլ ընդունելով այդ փաստը: Ինչպես հաղորդում է «Արմենպրես»-ը' այս մասին Ֆրանսիայի Սենատում Հայոց ցեղասպանության ժխտումը քրեականացնող օրինագծի քննարկումների ժամանակ նշեց սենատոր Էսթեր Բենբասան, ով համարվում է բնապահպանական խորհրդի ակտիվիստներից: «Հայոց ցեղասպանությունն անառարկելի փաստ է: Այսօր Թուրքիան դրսևորելով հանդուժողականություն, թույլ է տալիս, որպեսզի իր երկրում ապրեն տարբեր ազգային փոքրամասնություններ, քանի որ գիտակցում է` ևս մեկ սխալը կկործանի պետությունը: Հավատում եմ, որ մի օր Թուրքիան ևս կընդունի պատմական իր սև էջը»,- ասաց Բենբասան:
Նրա կարծիքով' հայ-թուրքական հարաբերությունների կարգավորմանը կարող է նպաստել հենց Թուրքիայի կողմից Հայոց ցեղասպանության ընդունումը:
Բաժանորդագրվեք մեր ալիքին Telegram-ում