Երևանում՝ 11:07,   23 Մայիս 2024

Նազելի Բաղդասարյանը հերքում է վարչապետին վերագրվող որոշ հայտարարություններ

Նազելի Բաղդասարյանը հերքում է վարչապետին վերագրվող որոշ 
հայտարարություններ

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: ՀՀ վարչապետի մամուլի քարտուղար Նազելի Բաղդասարյանը պաշտոնապես հերքում է այնպիսի հայտարարությունները, որոնք չեն հնչեցվել վարչապետի կամ նրան ներկայացնելու իրավասություն ունեցող պաշտոնյայի, պետական մարմնի կողմից, սակայն վերագրվում են վարչապետ Փաշինյանին:

Մամուլի խոսնակը «Ֆեյսբուք» սոցիալական ցանցի իր էջում գրել է.

«Ոսկեպար, Կիրանց, Բերքաբեր գյուղերում այսօր տեղի ունեցած հանդիպումներից հետո, վարչապետ Նիկոլ Փաշինյանին որոշ աղբյուրների կողմից վերագրվում են տարբեր հայտարարություններ։ Որեւէ հայտարարություն, որը չի հնչել կամ հաստատվել վարչապետի կամ նրան ներկայացնելու իրավասություն ունեցող պաշտոնյայի, պետական մարմնի կողմից՝ պաշտոնապես հերքվում է»։

Նիկոլ Փաշինյանն ապրիլի 17-ին կրկին այցելել է Տավուշի մարզ, հանդիպում ունեցել Ոսկեպարի բնակիչների հետ, ներկայացրել Ադրբեջանի հետ խաղաղության՝ ներառյալ սահմանազատման գործընթացում առկա իրավիճակը, պատասխանել ոսկեպարցիների հարցերին։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am