Չինաստանի արտգործնախարարը Պեկինում հանդիպել է Իլոն Մասկի հետ
15:52, 30 Մայիս 2023
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Չինաստանի արտաքին գործերի նախարար Ցին Գանը Պեկինում հանդիպել է ամերիկացի գործարար Իլոն Մասկի հետ։ Ինչպես «Արմենպրես»-ը տեղեկանում է ТАСС գործակալությունից, այդ մասին հաղորդագրություն է տարածել Չինաստանի արտաքին քաղաքական գերատեսչությունը։
«Մայիսի 30-ին Չինաստանի պետխորհրդի անդամ, արտաքին գործերի նախարար Ցին Գանը հանդիպել է Tesla ընկերության գլխավոր տնօրեն Մասկի հետ», - ասված է հաղորդագրության մեջ:
Ամերիկյան մի շարք լրատվամիջոցներ ավելի վաղ հաղորդում էին, որ Իլոն Մասկի մասնավոր ինքնաթիռը վայրէջք է կատարել Պեկինում: Ըստ Reuters-ի՝ Մասկը պետք է հանդիպի Չինաստանի բարձրաստիճան պաշտոնյաների հետ և այցելի Tesla-ի գործարանը Շանհայում:
Բաժանորդագրվեք մեր ալիքին Telegram-ում