Չինաստանի նախագահը խոստացել է ընդլայնել բարձրորակ ապրանքների ներմուծումը
14:45, 19 Նոյեմբեր 2022
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Չինաստանն ակտիվորեն կընդլայնի բարձրորակ ապրանքների և մատուցվող ծառայությունների ներմուծումը:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին նոյեմբերի 19-ին նշել է Չինաստանի նախագահ Սի Ծինփինը Ասիա-խաղաղօվկիանոսյան տնտեսական համագործակցության գագաթնաժողովին, որն անցկացվում է Բանգկոկում:
«Մենք պետք է հավատարիմ մնանք բաց տարածաշրջանային համագործակցությանը և համատեղ խթանենք Ասիա-խաղաղօվկիանոսյան տարածաշրջանի բարգավաճմանը և բարձրացնենք տարածաշրջանում տնտեսական համագործակցության մակարդակը»,-նշել է նա:
Նա վստահեցրել է՝ Չինաստանի չի փոխի բարձր մակարդակով համագործակցությունն ընդլայնելու վճռականությունը:
Բաժանորդագրվեք մեր ալիքին Telegram-ում