ԳՅՈՒՄՐԻ,  13  ՄԱՅԻՍԻ,  ԱՐՄԵՆՊՐԵՍ:  Շիրակի մարզի Ախուրյան խոշորացված համայնքի Վահրամաբերդ բնակավայրի մոտ գտնվող Կամխուտի  հրաձգարանում  պայթյուն է տեղի ունեցել , ինչի հետևանքով զոհվել է   Վահրամաբերդ գյուղի հովիվը՝ ծնված 1957 թվականին: Ինչպես տեղեկացնում է «Արմենպրես»-ը, տարածքը հանձնված է  Գյումրիում տեղակայված ռուսական 102-րդ ռազմաբազային՝ որպես  հրաձգարան:

«Տարածքում վերջին  մեկ ամսում զորավարժություններ չեն անցկացվել, ամենայն հավանականությամբ պայթուցիկը եղել է հին զորավարժանքներից մնացած»,-նշեց Ախուրյան խոշորացված համայնքի ղեկավարի առաջին տեղակալ Կարեն Արշակյանը՝ տեղեկացնելով որ ռազմաբազայից իրենք միշտ ստանում եմ գրություններ՝ զինավարժության անցկացման մասին, ինչի մասին տեղեկացնում են տարածքի բնակիչներին:

Նույն տարածքում 2013 12-ամյա Արթուր Մկրտչյանը և 16-ամյա Մուշեղ Գևորգյանը զոհվել էին  ոչխարի հոտն արածեցնելիս գտած նռնակի չպայթած մասերի հետ խաղալու պատճառով: