ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Միջազգային օլիմպիական կոմիտեի (ՄՕԿ) գործկոմը կրճատել է 2024թ.  Փարիզում կայանալիք Օլիմպիական խաղերի ծանրամարտի մրցաշարում գործող քաշային կարգերի քանակը:

«Արմենպրես»-ի հաղորդմամբ` այս մասին հայտնում է ՀԱՕԿ-ը: Տղամարդկանց և կանանց պայքարին կմասնակցեն հինգական  քաշային կարգեր ներկայացնող մարզիկներ և մարզուհիներ: Տղամարդիկ ՝   61 կգ,  73 կգ,  89 կգ,  102 կգ և գերծանրքաշ ՝ + 102 կգ:

Կանայք ՝ 49 կգ,  59 կգ, 71 կգ,  81 կգ և գերծանրքաշ ՝ + 81 կգ: Տոկիոյի խաղերում հանդես են եկել  յոթ քաշային կարգերի ներկայացուցիչներ: Վերջին Օլիմպիական խաղերում Հայաստանի ներկայացուցիչ Սիմոն Մարտիրոսյանը  (109կգ) դարձավ արծաթե մեդալակիր:

Փարիզի օլիմպիական խաղերը տեղի կունենան 2024թ. հուլիսի 26-ից`  օգոստոսի 11-ը։