Ռուս և բելառուս ծանրորդները զրկվել են միջազգային մրցաշարերի մասնակցելու հնարավորությունից
11:14, 4 Մարտ 2022
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Համաշխարհային սպորտային կառույցները շարունակում են ռուս և բելառուս մարզիկներին դուրս թողնել մի շարք մրցաշարերից:
«Արմենպրես»-ի հաղորդմամբ` Ծանրամարտի միջազգային ֆեդերացիան` IWF-ը, Ռուսաստանի եւ Բելառուսի ծանրորդները զրկել է միջազգային մրցաշարերի մասնակցելու հնարավորությունից: Նման որոշման հիմք է հանդիսացել Ուկրաինայում ՌԴ զինված ուժերի գործողությունը:
Ավելի վաղ Ռուսաստանի հավաքականին Պարալիմպիկ խաղերից հեռացրել էր նաև ՄՕԿ-ը, իսկ ՖԻՖԱ-ն և ՈՒԵՖԱ-ն դադարեցնել էին այդ երկրի ընտրանու մասնակցությունն աշխարհի և Եվրոպայի առաջնությունների ընտրական փուլերին և այլն:
Բաժանորդագրվեք մեր ալիքին Telegram-ում