Երևանում՝ 11:07,   19 Մարտ 2024

Էդուարդ Մարտիրոսյանը մանրամասներ է ներկայացրել Հայաստանում կառուցվելիք նոր ատոմակայանի վերաբերյալ

Էդուարդ Մարտիրոսյանը մանրամասներ է ներկայացրել Հայաստանում կառուցվելիք նոր 
ատոմակայանի վերաբերյալ

ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Հայաստանում նոր ատոմակայանի մասնագետները, որը «Ռոսատոմ»-ը պատրաստվում է կառուցել Հայաստանում, կպատրաստվեն Ռուսաստանում: «Արմենպրես»-ի փոխանցմամբ՝ այս մասին ՏԱՍՍ գործակալությանը հայտնել է Հայաստանի ատոմային էլեկտրակայանի գլխավոր տնօրեն Էդուարդ Մարտիրոսյանը:

«Ռուսաստանում, հենց Ռուսաստանում»,- ասել է Մարտիրոսյանը՝ պատասխանելով հարցին, թե որտեղ և երբ են պատրաստվելու ատոմակայանի ապագա անձնակազմը:

Նշվում է, որ Հայաստանի գործող ատոմային էլեկտրակայանի գործունեության ժամկետը երկարաձգվել է մինչև 2026 թվականը, որից հետ կերկարաձգվի ևս 10 տարով: Էդուարդ Մարտիրոսյանը նշել է, որ նոր ատոմակայանի շինարարությունը կտևի 10-12 տարի:

Մարտիրոսյանը հայտնել է, որ նոր ատոմակայանի համար կադրերը կպատրաստվեն Ռուսաստանի բուհերում: Նա նշել է, որ Հայաստանի գործող ատոմակայանի մասնագետներն էլ սովորել են և սովորում են Ռուսաստանի բուհերում:

Էդուարդ Մարտիրոսյանը հայտնել է, որ դիտարկվել է նաև փոքր կայանների տարբերակը: Նրա խոսքով՝ կա հավանականություն «Գեոպրոմայնինգ Հայաստան» ընկերության համար Սյունիքի մարզում նման կայան կառուցելու:

Նշվում է, որ «Գեոպրոմայնինգ» ընկերությունը 2021 թվականի սեպտեմբերին Հայաստանի կառավարությանն է փոխանցել Զանգեզուրի պղնձամոլիբդենային կոմբինատի՝ իրեն պատկանող բաժնետոմսերի 25 տոկոսը:

«Դուբայ էքսպո-2020»-ի շրջանակներում «Ռոսատոմ»-ի և Հայաստանի ատոմային էլեկտրակայանի ներկայացուցիչները հուշագիր են ստորագրել համագործակցության նոր ատոմային էներգաբլոկների վերազինման մասին Հայաստանի գործող ատոմակայանի փոխարեն, որը պետք է հանվի շահագործումից 2036 թվականին: Ըստ Էդուարդ Մարտիրոսյանի՝ նոր ատոմակայանը հզորությամբ չպետք է զիջի գործողին՝ 500-600 ՄՎՏ: Նա նաև չի բացառել, որ ավելի հզոր կայան կառուցելու խնդիր առաջանա՝ 2 էներգաբլոկ 1200 ՄՎՏ հզորությամբ: Դա կախված կլինի էներգիայի սպառման մակարդակից, որը կձևավորվի այդ ժամանակ, և հարևան երկրներ էլեկտրաէներգիայի մատակարարումն ընդլայնելու հնարավորությունից: 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]