Ժամանակը Երևանում՝ 11:07:36,   1 Դեկտեմբեր

Թուրքիան F-16 կործանիչներ կգնի Միացյալ Նահանգներից

Թուրքիան F-16 կործանիչներ կգնի Միացյալ Նահանգներից

ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի պաշտպանության նախարար Հուլուսի Աքարը հայտարարել է, որ Թուրքիան սկսում է Միացյալ Նահանգներից F-16 կործանիչներ գնելու գործընթացը: «Արմենպրես»-ի հաղորդմամբ՝ այդ մասին հայտնում է թուրքական «Անադոլու» գործակալությունը՝ վկայակոչելով նախարարի խոսքերը:

Աքարը նշել է, որ սկսվել են F-16 կործանիչների ձեռքբերման տեխնիկական աշխատանքները:

F-16 մակնիշի ռազմական օդանավերը 4-րդ սերնդի ամերիկյան կործանիչներ են: Թուրքիան, որպես ՆԱՏՕ-ի անդամ պետություն, մասնակցում էր ավելի ժամանակակից՝ 5-րդ սերնդի F-35 կործանիչների արտադրության ծրագրին, սակայն Ռուսաստանի Դաշնությունից Ս-400 զենիթահրթիռային համալիրներ գնելուց հետո զրկվեց F-35-ներ ձեռք բերելու հնարավորությունից:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]