Ժամանակը Երևանում՝ 11:07:36,   20 Հունիս

Ադրբեջանցի զինծառայողները խոշտանգել և սպանել են 19 հայ գերիների

Ադրբեջանցի զինծառայողները խոշտանգել և սպանել են 19 հայ գերիների

ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Ադրբեջանցի զինծառայողները 44-օրյա պատերազմի ավարտից հետո խոշտանգել և սպանել են 19 հայ գերիների: Ինչպես հաղորդում է «Արմենպրես»-ը, այս մասին «Ֆեյսբուք»-ի իր էջում գրել է ՄԻԵԴ-ում գերիների ու ռազմագերիների շահերի ներկայացուցիչ Արտակ Զեյնալյանը:

2020 թվականի սեպտեմբերի 27-ին սկսված արցախյան երկրորդ պատերազմի ընթացքում, ինչպես նաև 2020 թ-ի նոյեմբերի 9-ի եռակողմ հայտարարության ստորագրումից հետո, շարունակվել են գերեվարվել ազգությամբ հայ քաղաքացիական անձինք և զինծառայողներ:

«Գերության մեջ հայտնված անձանցից 19-ը, խոշտանգվել ու սպանվել են ադրբեջանական զինծառայողների կողմից, ինչը համարվում է ռազմական հանցագործություն:

Ռազմագերիների, ազատազրկված անձանց խոշտանգելու, սպանելու փաստերի առնչությամբ դիմել ենք Մարդու իրավունքների եվրոպական դատարան:

Ստորև ներկայացնում ենք նրանց ցուցակը:

Քաղաքացիական անձինք`

  1. Էդուարդ Շահգելդյան
  2. Արսեն Ղարախանյան
  3. Բենիկ Հակոբյան
  4. Էլենա Հակոբյան
  5. Սերժիկ Վարդանյան
  6. Էլլա Վարդանյան
  7. Գենադի Պետրոսյան
  8. Յուրիկ Ասրյան
  9. Միշա Մովսիսյան
  10. Անահիտ Մովսիսյան
  11. Նինա Դավթյան
  12. Միշա Մելքումյան

Զինծառայողներ`

  1. Էրիկ Մխիթարյան
  2. Գագիկ Մկրտչյան
  3. Արայիկ Պողոսյան
  4. Վարդգես Ղազարյան
  5. Յուրի Ադամյան
  6. Արթուր Մանվելյան
  7. Նարեկ Բաբայան»:

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ