ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Եվրոպական խորհրդարանում ներկայացված (Կանաչների հետ դաշինքով) Եվրոպական ազատ դաշինք կուսակցությունն իր լիակատար համերաշխությունն է հայտնել Հայաստանին ու Արցախի ժողովրդին: «Արմենպրես»-ի հաղորդմամբ՝ այս մասին նշված է  եվրոպական քաղաքական ուժի «Թվիթեր»-ի էջում կատարված գրառման մեջ.

«Այսօր Հայոց ցեղասպանության հիշատակի օրն է: Մենք լիովին համերաշխ ենք Հայաստանի և Արցախի ժողովրդի հետ: Հայոց ցեղասպանությունը պետք է հիշել և ճանաչել»,- նշված է Եվրոպական ազատ դաշինքի գրառման մեջ, որին կից օգտագործվել են նաև Հայոց ցեղասպանության և ճանաչման հեշթեգները:

Today is Armenian Genocide Remembrance Day.

We stand in full solidarity with the Peoples of Armenia and Artsakh. The Armenian Genocide must be remembered - and recognised. @DPA_Artsakh#RecognizeArmenianGenocide#ArmenianGenocide pic.twitter.com/jd9Xappe5F

— European Free Alliance (@EFAparty) April 24, 2021