Ավստրիայում 4,5 մագնիտուդով երկրաշարժ Է տեղի ունեցել
15:05, 20 Հունվար 2021
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հունվարի 20-ին 4,5 մագնիտուդով երկրաշարժ Է տեղի ունեցել Ավստրիայի հարավ-արեւելքի Շտիրիա դաշնային երկրամասում. Էպիկենտրոնի շրջանում թեթեւ վնասվել են շենքերը: Այդ մասին, ինչպես տեղեկացնում Է «Արմենպրես»-ը, հաղորդել Է Ավստրիայի օդերեւութաբանության եւ գեոդինամիկայի կենտրոնական ինստիտուտի (ZAMG) երկրաշարժերի ծառայությունը: «2021 թվականի հունվարի 20-ին Կենտրոնական Եվրոպայի ժամանակով 08:30-ին (Երեւանի ժամանակով 11:30-ին) 4,5 մագնիտուդով ուժեղ երկրաշարժ Է տեղի ունեցել Ադմոնտա/Շտիրիայից դեպի արեւմուտք 6 կիլոմետր հեռավորության վրա»,-ասվում Է հաղորդագրության մեջ: Նշվում Է, որ երկրաշարժն ուժգնորեն զգացվել Է Էպիկենտրոնում, ինչպես նաեւ զգացվել Է Ավստրիայի մեծ մասում: Էպիկենտրոնի շրջանում շենքերը թեթեւ վնասվածքներ են ստացել, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում