Արցախի տարածքում կան դժվարանցանելի ճանապարհներ
ՍՏԵՓԱՆԱԿԵՐՏ, 19 ՀՈՒՆՎԱՐԻ, ԱՐՄԵՆՊՐԵՍ: Տեղացող ձյան հետևանքով՝ տեղ-տեղ դժվարանցանելի է Ստեփանակերտ-Շուշի-Բերձոր-Գորիս միջպետական ավտոճանապարհի Լիսագոր տեղամասում: Այս մասին «Արմենպրես»-ին տեղեկացնում են Արցախի արտակարգ իրավիճակների պետական ծառայությունից:
«Այս պահին հանրապետության ամբողջ տարածքում առատ ձյուն է տեղում: Շինարարական մի քանի կազմակերպություններ ընդգրկված են ձնամաքրման աշխատանքների գործում: Արցախի տարածքում ավտոճանապարհները հիմնականում անցանելի են՝ ձմեռային անվադողերով տրանսպորտային միջոցների համար: Սյունիքի մարզի «Զանգեր» կոչվող հատվածում առկա է մերկասառույց: Անխափան երթևեկելու համար վարորդներին հորդորում ենք օգտագործել բացառապես ձմեռային անվադողեր»,- հայտնել են Արցախի արտակարգ իրավիճակների պետական ծառայությունից:
Բաժանորդագրվեք մեր ալիքին Telegram-ում